NTGOLD - NEWS

ប្រទេសចិន និងជប៉ុនធ្វើការរួមគ្នាក្នុងការពង្រីកមូលនិធិIMF

2012-02-21 08:08:30

ប្រទេសចិននិងជប៉ុននៅថ្ងៃអាទិត្យបានព្រមព្រៀងធ្វើការួមគ្នាដើម្បីឆ្លើយតបនឹងសំណើមូលនិធិរបស់មូលនិធិរូបិយវត្ថុអន្តរជាតិ (IMF) ដែលត្រូវការទឹកប្រាក់ច្រើនជាងទ្វេដងដើម្បីប្រើប្រាស់ក្នុងការដោះស្រាយជាមួយបញ្ហាវិបត្តិតំបន់អឺរ៉ូ។ លោករដ្ឋមន្ត្រីក្រសួងហិរញ្ញវត្ថុជប៉ុន Jun Azumi បន្ទាប់ពីជួបប្រជុំជាមួយលោកឧបនាយករដ្ឋមន្ត្រី Wang Qishan និងលោករដ្ឋមន្ត្រីក្រសួងហិរញ្ញវត្ថុ Xie Xuren និយាយថា ប្រទេសទាំងពីរត្រៀមខ្លួនរួចជាស្រេចក្នុងការឧបត្ថម្ភ IMF ប៉ុន្តែកិច្ចខិតខំបន្ថែមទៀតត្រូវធ្វើឡើងពីភាគីតំបន់អឺរ៉ូជាចាំបាច់ ។

គាត់បន្តថា អ្វីដែលយើងបានព្រមព្រៀងគ្នានោះគឺថា ប្រទេសក្នុងទ្វីបអឺរ៉ុបត្រូវខិតខំបន្ថែមទៀត ក្នុងនោះរួមមានប្រទេសក្រិច ដែលកំពុងបង្វែរចង្កូតទៅរកផ្លូវត្រឹមត្រូវនោះ។ យើងក៏សង្ឃឹមថា នឹងមានសំណើស្រដៀងនោះដែរពី IMF ទៅសហរដ្ឋអាមេរិក ។ IMF ត្រូវការប្រាក់ចំនួន៦០០ពាន់លានអឺរ៉ូថ្មីដើម្បីជួយដោះស្រាយវិបត្តិប្រាក់បំណុលអឺរ៉ុប ប៉ុន្តែប្រទេសដែលនៅក្រៅពីប្រទេស១៧ដែលប្រើប្រាស់ប្រាក់អឺរ៉ូ ក៏ចង់ឃើញសមាជិករបស់ខ្លួនខ្ចីប្រាក់បន្ថែមទៀតមុនពេលពួកគេបន្ថែមទឹកប្រាក់ចូល IMF ។

លោក Azumi និយាយថា ប្រទេសទាំងពីរមិនបានពិភាក្សាគ្នាលើចំនួនជាក់លាក់ណាមួយក្នុងការជួយឧបត្ថម្ភសម្រាប់ IMF ទេ បើទោះជាមន្ត្រីក្រសួងហិរញ្ញវត្ថុជប៉ុននិយាយថា រដ្ឋាភិបាលក្រុងតូក្យូមានឆន្ទះក្នុងការផ្តល់ប្រាក់ទៅ IMF ក្នុងចំនួនសមរម្យមួយ ។ មន្ត្រីជប៉ុនមួយរូបនិយាយថា ប្រទេសចិន និងជប៉ុន នឹងសម្របសម្រួលគ្នា មិនមែនប្រកួតប្រជែងលើគ្រប់សកម្មភាពរបស់ IMF ឡើយ។ ប្រទេសទាំងពីរនឹងបញ្ចៀសឲ្យបានជាដាច់ខាតនូវភាពជាសំខាន់របស់ពួកគេក្នុងការដោះស្រាយវិបត្តិ។

ប្រទេសចិនត្រូវបានគេមើលឃើញថា មាន កម្លាំងចំហេះផ្នែកហិរញ្ញវត្ថុដើម្បីជួយរដ្ឋាភិបាលអឺរ៉ុបមួយចំនួនជាមួយទឹកប្រាក់ចំនួន៣,២សែនកោដិដុល្លារនៃប្រាក់បម្រុងបរទេសក្នុងដៃរបស់ខ្លួន ។ កាលពីដើមខែនេះ លោកនាយករដ្ឋមន្ត្រីចិន Wen Jiabao និយាយថា ប្រទេសមហាអំណាច សេដ្ឋកិច្ចលេខពីរ (ចិន) នឹងបង្កើនសកម្មភាពរបស់ខ្លួនក្នុងការចូលរួមជួយមូលនិធិសង្គ្រោះអឺរ៉ុប ហើយកំពុងសិក្សាពីរបៀបដែលនឹងត្រូវអនុវត្ថក្នុងនោះរួមមានតាមរយៈ IMF ផង ។

ប្រទេសចិនបានក្លាយជាគោលដៅនាំចេញធំ បំផុតរបស់ប្រទេសជប៉ុន និងជាដៃគូពាណិជ្ជកម្មលេខមួយ ចេញពីសហរដ្ឋអាមេរិក។ ពាណិជ្ជកម្មរវាងប្រទេសទាំងពីរកើនឡើង១៤ភាគរយ ឬមានទំហំទឹកប្រាក់៣៤៤.៩១ពាន់លានដុល្លារក្នុងឆ្នាំ២០១១ ។ នេះបើតាមអង្គការពាណិជ្ជកម្មក្នុងប្រទេសជប៉ុនប្រាប់ឱ្យដឹង ។ ទំនាក់ទំនងពាណិជ្ជកម្មរបស់ប្រទេសមហាអំណាចលេខ២ និងលេខ៣ នាពេលនេះគឺប្រើប្រាស់ រូបិយវត្ថុប្រាក់ដុល្លារ ដោយសារច្បាប់ហិរញ្ញវត្ថុ និងទីផ្សារ។

នៅក្នុងកិច្ចខិតខំប្រឹងប្រែងលើកកម្ពស់ការផ្លាស់ប្តូរផ្ទាល់នៃប្រាក់យ៉េន និងយាន់ ប្រទេសជប៉ុនសង្ឃឹមទុកជាមុនពីការបង្កើតមជ្ឈមណ្ឌលប្រាក់យ៉េនក្នុងទីក្រុងតូក្យូ ដោយមានការចូលរួមពីប្រទេសផ្សេងៗដូចជា ចក្រភពអង់គ្លេស និងសិង្ហបុរី ដែលស្វែងរកការចែករំលែកនូវកំណើនពាណិជ្ជកម្មប្រាក់យ៉េននៅបរទេស។ លោក Azumi និយាយប្រាប់ភាគីចិនថា ប្រសិនបើប្រាក់យ៉េន និងប្រាក់យាន់ ត្រូវបានដោះស្រាយដោយផ្ទាល់ ហើយមានសភាពរស់រវើកនោះប្រាក់យ៉េនសម្រាប់ប្រើប្រាស់លើឆាកអន្តរជាតិនឹងត្រូវការជាចាំបាច់ ដោយសារប្រទេសចិនជាតួអង្គដ៏សំខាន់ក្នុងសេដ្ឋកិច្ចពិភពលោក។

លោកសង្ឃឹមថា ប្រទេសចិននឹងយករឿងនេះទៅពិចារណា ដើម្បីឲ្យប្រាក់យាន់មានភាពរស់រវើកជាងនេះ។ លោក Azumi និយាយសំដៅទៅលើគោលនយោបាយរូបិយវត្ថុចិន ៕

Related news

TIME
Sydney	Tokyo	Ha Noi	HongKong	LonDon	NewYork

Gold Price at ABCBULLION Foreign exchange rates at CommonWealth Bank Foreign exchange rates at ANZ Bank

Prices By NTGOLD
We Sell	We Buy
37.5g ABC Luong Bar
5,333.50	4,913.50
1oz ABC Bullion Cast Bar
4,426.80	4,026.80
100g ABC Bullion Bar
14,205.60	12,905.60
1kg ABC Bullion Silver
1,728.40	1,378.40