ហៅស្ដុនៈ យោងតាមទីភ្នាក់ងារ ព័ត៌មានចិន “ស៊ិនហួ” ចុះផ្សាយនៅ ថ្ងៃទី១១ ខែមេសា ឆ្នាំ២០១២ថា ផលិតកម្ម ប្រេងរបស់អ៊ីរ៉ង់ បានថយចុះ ដោយក្នុង១ថ្ងៃបានថយចុះ ប្រមាណ៥០០ពាន់បារ៉ែល ឯណោះ ។
យោងតាមរបាយការណ៍មួយចេញដោយ រដ្ឋបាលព័ត៌មាន ថាមពល សហរដ្ឋអាមេរិក ហៅកាត់ “EIA ” បានឱ្យដឹង ថា ការផលិតប្រេង ឬហៅថា ផលិតកម្មប្រេង របស់ប្រទេសអ៊ីរ៉ង់ បានថយចុះក្នុង១ថ្ងៃប្រមាណ ៥០០,០០០បារ៉ែល ហើយការថយចុះនេះ នឹងបន្ដរហូតដល់ចុងឆ្នាំនេះ ស្របពេលដែលការវិនិយោគទុន បានធ្លាក់ចុះ និងការដាក់ទណ្ឌ កម្មដល់ប្រទេសនេះផងដែរ ។
EIA បានឱ្យដឹងថា នៅចុងឆ្នាំ២០១១ ការផលិតប្រេងរបស់ អ៊ីរ៉ង់ក្នុង១ថ្ងៃៗបានថយចុះ ប្រមាណ៣,៥៥លាន បារ៉ែល ។
រដ្ឋាភិបាលខាងលើបានបន្ដថា “EIA ជឿជាក់ថា បញ្ហានេះដោយសារតែ ការវិនិយោគទុននៅក្នុង ប្រទេសបានថយ ចុះ ហើយបញ្ហាមួយទៀតនោះ ក៏អាចមកពីធនធានធម្មជាតិ បាត់បង់ខ្លះដែរ ដែលធ្វើឱ្យការផលិត ប្រេងថយចុះយ៉ាង ដូច្នេះ” ៕
