វ៉ាស៊ីនតោនៈ យោងតាមទីភ្នាក់ងារព័ត៌មានចិន “ស៊ិនហួ” ចុះផ្សាយនៅថ្ងៃទី១២ ខែធ្នូ ឆ្នាំ ២០១១ ថា លោក បារ៉ាក់ អូបាម៉ា ប្រធានាធិបតីសហរដ្ឋអាមេរិក បានថ្លែងថា អត្រាអ្នកគ្មានការងារធ្វើនៅសហរដ្ឋអាមេរិក អាចថយ ចុះក្រោម ៨ភាគរយ ដោយការថយចុះនេះនៅមុនពេលបោះឆ្នោតសកល ។
យោងតាមការថ្លែងរបស់លោក អូបាម៉ា ខណៈ ដែលស្ថិតក្នុងការធ្វើបទសម្ភាសន៍មួយ ក្នុងរាត្រីថ្ងៃអាទិត្យម្សិលមិញ នេះ លោកប្រធានាធិបតី បានថ្លែងថា លោកជឿជាក់ថា អត្រាអ្នកគ្មានការងារធ្វើនៅសហរដ្ឋអាមេរិកនឹងថយចុះ ក្រោម៨ភាគរយ ស្របពេលបោះឆ្នោតជ្រើសតាំងប្រធានាធិបតីនៅខែវិច្ឆិកា ឆ្នាំ ២០១២ ។
នៅក្នុងបទសម្ភាសន៍ ក្នុងរយៈពេល “៦០នាទី” ជាមួយ “ CBS ” លោក អូបាម៉ា បានថ្លែងថា រូបលោកមានក្ដី សង្ឃឹម “វានឹងមានលក្ខណៈធម្មតា” ដោយអត្រាអ្នកគ្មានការងារធ្វើ នឹងបន្ដធ្លាក់ចុះនៅក្រោម ៨ភាគរយ នៅក្នុង អំឡុងពេលបោះឆ្នោត ដែលនឹងរៀបចំឡើងនៅចុងឆ្នាំ២០១២ ។
ម្យ៉ាងទៀត លោក អូបាម៉ា បានថ្លែងថា រូបលោក “ មិនបានគិតអំពីបញ្ហាការងារ ដែលជាការធ្វើឱ្យរាំងស្ទះ ដល់ កំណើនសេដ្ឋកិច្ចខ្លាំងក្លាឡើយ ” ហើយនេះជាអ្វី ដែលរូបលោកបានគិត “ប្រើវិធីសាស្ដ្រល្អដើម្បីបង្កើនសន្ទុះសេដ្ឋ កិច្ច ពិសេសជួយដល់ពលរដ្ឋអាមេរិក ដើម្បីឱ្យពួកគាត់សម្រេចបានជោគជ័យ” ។
លោក អូបាម៉ា បានថ្លែងទៀតថា ពលរដ្ឋអាមេរិ ជាអ្នកដែលពុះពារ និងចូលរួមទាំងអស់គ្នា ពួកគេមានហេតុផល របស់ពួកគេ “ ប៉ុន្ដែការផ្លាស់ប្ដូររចនាសម្ព័ន្ធ ជាបញ្ហាមួយផងដែរ សម្រាប់ជួយជំរុញឱ្យសេដ្ឋកិច្ចរីកចម្រើនឡើង ព្រោះត្រូវការពេលវេលាយ៉ាងហោចណាស់ ២ទសវត្សរ៍ ដែរ ដើម្បីឱ្យកំណើនសេដ្ឋកិច្ចឈានឡើងបាន ” ។
ក្រុមអ្នកវិភាគមួយចំនួនយល់ឃើញថា ការថ្លែងរបស់លោក អូបាម៉ា គឺលោកមានសុទិដ្ឋិនិយមជាខ្លាំងថា នឹងអាចកើតឡើងមែន ដូចជាគ្រាមុន ធ្លាប់បានថ្លែងថា កំណើនសេដ្ឋកិច្ចអាមេរិក នឹងងើបឡើងវិញ ហើយតាមការកត់ សម្គាល់សន្ទុះសេដ្ឋកិច្ចរបស់អាមេរិក បានងើបឡើងបន្ដិចមែន ធៀបនឹងឆ្នាំ២០០៨ តែអត្រាអ្នកគ្មានការងារធ្វើ នៅមិនទាន់ដោះស្រាយបានប្រសើរនៅឡើយទេ ហើយកន្លងមកលោក អូបាម៉ា ធ្លាប់បានថ្លែងថា មិនមានបញ្ហាអ្វី ដែលចោទសម្រាប់ការជំរុញឱ្យសេដ្ឋកិច្ចងើបឡើងនោះឡើយ ៕
| TIME | |||||
|---|---|---|---|---|---|
| Sydney | Tokyo | Ha Noi | HongKong | LonDon | NewYork |
| Prices By NTGOLD | ||
|---|---|---|
| We Sell | We Buy | |
| 37.5g ABC Luong Bar | ||
| 5,333.50 | 4,913.50 | |
| 1oz ABC Bullion Cast Bar | ||
| 4,426.80 | 4,026.80 | |
| 100g ABC Bullion Bar | ||
| 14,205.60 | 12,905.60 | |
| 1kg ABC Bullion Silver | ||
| 1,728.40 | 1,378.40 | |
Powered by: Ngoc Thanh NTGold
- Online: 419
- Today: 3286
- Total: 4644560