សេអ៊ូល៖ នៅថ្ងៃអង្គារនេះដែរ មន្ត្រីជាន់ខ្ពស់ របស់អាមេរិកម្នាក់ បានជំរុញឲ្យប្រទេស កូរ៉េខាងត្បូង និង ប្រទេសផ្សេងទៀត កាត់បន្ថយការទិញប្រេងឆៅ ពីប្រទេស អ៊ីរ៉ង់ ខណៈពេលដែល អាមេរិកកំពុងតែដាក់ទណ្ឌកម្ម ទៅលើរដ្ឋាភិបាលទីក្រុង តេអ៊ីរ៉ង់ ចំពោះកម្មវិធីអាវុធនុយក្លេអ៊ែរ នោះ។

យោងតាមគេហទំព័រ Channel News Asia បានឲ្យដឹងនៅថ្ងៃអង្គារ ទី១៧ ខែមករា ឆ្នាំ២០១២ នេះថា លោក Robert Einhorn ដែលជាទីប្រឹក្សាពិសេសនៃ ក្រសួងកាបរទេសអាមេរិក និងជាអ្នកត្រួតពិនិត្យកម្មវិធីអាវុធជាតិផ្ទុះ បានសម្តែងនូវចំណាប់អារម្មណ៍របស់លោក នៅពេលដែលលោកពិភាក្សា ជាមួយនឹង អនុរដ្ឋមន្ត្រីកាបរទេសកូរ៉េខាងត្បូង លោក គីម ចាស៊ីន។

លោក Robert Einhorn មាននិយាយថា យើងកំពុងតែជំរុញឲ្យគ្រប់ដៃគូទាំងអស់មកជួយ អាមេរិក និងធ្វើការងារជាមួយអាមេរិក ក្នុងការដាក់សម្ពាធ ទៅលើរដ្ឋាភិបាលទីក្រុង តេអ៊ីរ៉ង់ ឲ្យងាកមករកការចរចាជាថ្មីឡើងវិញ។ លោក Robert Einhorn មកដល់ប្រទេសកូរ៉េខាងត្បូង កាលពីថ្ងៃចន្ទ ទី១៦ ខែមករា ម្សិលមិញនេះ ក្នុងដំណើរទស្សនកិច្ចរយៈពេល ៣ថ្ងៃ របស់លោកផងដែរ។ ប៉ុន្តែលោក Robert Einhorn ក៏បានសន្យា ចំពោះផលជាវិជ្ជមានមួយថា នឹងនាំ មកនូវតម្រូវការ ដ៏ខ្លាំងក្លាខាងផ្នែកសេដ្ឋកិច្ចផងដែរ ចំពោះប្រទេសកូរ៉េខាងត្បូងមួយនេះ។

គួរបញ្ជាក់ឲ្យដឹងផងដែរថា កូរ៉េខាងត្បូងជាប្រទេស ដែលមានឧស្សាហកម្មនាំចូល ប្រេងឆៅធំជាងគេ និង ជាប្រទេសដែលមានសម្ព័ន្ធភាពជិតស្និទ្ធជាមួយ អាមេរិកផងដែរ ហើយកងទ័ពអាមេរិកចំនួន ២៨៥០០ នាក់កំពុងមានវត្តមាននៅប្រទេស កូរ៉េខាងត្បូងក្នុងពេលបច្ចុប្បន្ននេះ។ ប៉ុន្តែកូរ៉េខាងត្បូង ក្នុងរយៈពេល ១១ខែដំបូងនៃចុងឆ្នាំមុន ការនាំចូលប្រេងឆៅមាន ៩.៦ ភាគយនៃប្រេងឆៅសរុប ដែលត្រូវការនាំចូលពីប្រទេសអ៊ីរ៉ង់នោះ។ នៅពេលនោះដែរ លោក គីម បានសង្កត់ធ្ងន់ថា កូរ៉េខាងត្បូងនៅតែគាំទ្រ ចំពោះការខិតខំប្រឹងប្រែងរបស់អន្តរជាតិ ក្នុងការដោះស្រាយនូវបញ្ហាអាវុធនុយក្លេរអ៊ែរ ប៉ុន្តែលោកក៏មានការ ព្រួយបារម្ភចំពោះការ ខូចខាតខាងផ្នែកសេដ្ឋកិច្ចផងដែរ។

• Gold Sees Decent Short-Covering Bounce, Some Technical Buying   (2015-12-22 04:49:24)
• Gold Set for Longest Weekly Rally Since 2011 on Ukraine Tension   (2014-03-14 11:30:57)
• ការបញ្ជាទិញគ្រឿង ម៉ាស៊ីនពីជប៉ុន បានកើន ឡើងជិត៥ភាគរយ    (2012-04-12 09:17:13)
• កំណើនសេដ្ឋកិច្ច ចិន នឹងកើនឡើង ៨,៥ភាគរយ ក្នុងឆ្នាំនេះ    (2012-04-12 09:16:25)
• ផលិតកម្មប្រេង របស់អ៊‌ីរ៉ង់ ថយចុះ ក្នុង១ថ្ងៃចំនួន ៥០០ពាន់បារ៉ែល    (2012-04-12 09:13:40)
• ធនាគារ កណ្ដាលអឺរ៉ុបៈ សេដ្ឋកិច្ចរបស់ក្រិច នឹងកើនឡើងវិញ នៅក្នុងឆ្នាំ២០១៤   (2012-04-11 09:12:14)
• ធនាគារពិភពលោក អនុម័តផ្ដល់ប្រាក់ កម្ចី៥២២ពាន់លាន ដុល្លារដល់វៀតណាម   (2012-04-11 09:11:34)
• វិស័យពាណិជ្ជកម្ម របស់ចិន នៅក្នុង ខែមីនា កើនឡើង   (2012-04-11 09:10:17)
• វៀតណាម-ឡាវ បង្កើនវិស័យ ពាណិជ្ចកម្មគិតជា ទឹកប្រាក់ប្រមាណ ១ពាន់លានដុល្លារ   (2012-04-11 09:09:14)
• ការនាំចេញរបស់ ប្រទេសកូរ៉េខាងត្បូង ក្នុងត្រីមាសទី២ នឹងកើនឡើង ៣ភាគរយ   (2012-04-11 09:08:23)