សហរដ្ឋអាមេរិកៈ យោងតាមទីភ្នាក់ងារព័ត៌មាន រ៉យទ័រ ចុះផ្សាយនៅថ្ងៃទី១៩ ខែមករា ឆ្នាំ២០១២ ថា ក្រុមហ៊ុន ដ៏ល្បីឈ្មោះ ផ្នែកថតរូបតាំងពីយូរយារមកហើយឈ្មោះថា កូដាក់ “Eastman Kodak Co” បានស្វែងរកជំនួយ ៩៥០លានដុល្លារ ដើម្បីទប់ស្កាត់ការក្ស័យធន ។
ក្រុមហ៊ុនដ៏ល្បីឈ្មោះផ្នែកថតរូបនៅសហរដ្ឋអាមេរិក និងបានចាប់កំណើតអស់រយៈពេល១៣០ឆ្នាំឈ្មោះ កូដាក់ កាលពីពេលថ្មីៗនេះបានដាក់សំណើសុំជំនួយពីធនាគារស៊ីធីក្រុម “Citigroup”នូវទឹកប្រាក់ចំនួន៩៥០លានដុល្លារ ដើម្បីទប់ស្កាត់ការក្ស័យធន ខណៈដែលក្រុមហ៊ុននេះត្រូវការ និងយកមកសម្របសម្រួលផ្នែកឥណទាន ក្នុងអំឡុងពេល១៨ខែ ។
លោក អង់តូនីញ៉ូ អឹម. ប៉េរ៉េស “Antonio M. Perez” ប្រធានគ្រប់គ្រង និងជានាយកប្រតិបត្ដិក្រុមហ៊ុនកូដាក់ បានលើកឡើងក្នុងសេចក្ដីប្រកាសព័ត៌មានមួយថា “ក្រុមប្រឹក្សានាយកទាំងឡាយ រួមទាំងសហគ្រប់គ្រង មួយចំនួន មិនជឿទុកចិត្ដលើការធ្វើបែបនេះ ថាវាមានសារៈសំខាន់មួយដែលត្រូវធ្វើដោយសន្សឹមៗនោះទេ ហើយអ្វីដែល យើងធ្វើរឿងត្រឹមត្រូវនេះគឺដើម្បតែអនាគតរបស់ក្រុមហ៊ុនកូដាក់តែប៉ុណ្ណោះ” ។
គួរឱ្យកត់សម្គាល់ឃើញថា ក្រុមហ៊ុនកូដាក់ បានធ្លាក់ចុះប្រជាប្រិយភាពរបស់ខ្លួនបន្ទាប់ពីការប្រកួតប្រជែងពី បណ្ដា ក្រុមហ៊ុនធំៗ និងថ្មីៗជាច្រើនរីកដុះដាលពាសពេញពិភពលោក ។ ជាក់ស្ដែងគេបានដឹងច្បាស់ថា ក្រុមហ៊ុនបានកាត់ បន្ថយបុគ្គលិក និងចំនួនបុគ្គលិករបស់ក្រុមហ៊ុនធ្លាក់ចុះ៧ពាន់នាក់ ដោយកាលពីមុនមាន រហូតដល់៦០ពាន់នាក់ ដែលបម្រើការឱ្យក្រុមហ៊ុននេះ ។
កូដាក់បាននិយាយថា ការដាក់សំណើស្វែងរកជំនួយនេះហើយដែលអាច ជួយស្រោចស្រង់ ស្ថានភាព ហិរញ្ញវត្ថុរបស់ ក្រុមហ៊ុនបាន ហើយក្រុមហ៊ុនក៏បានស្នើឱ្យធនាគារមួយចំនួនរកអតិថិជនទិញភាគហ៊ុនរបស់ ខ្លួនដែរ ដើម្បីបញ្ចៀស ការឈានដល់ការក្ស័យធន់នោះ ៕
| TIME | |||||
|---|---|---|---|---|---|
| Sydney | Tokyo | Ha Noi | HongKong | LonDon | NewYork |
| Prices By NTGOLD | ||
|---|---|---|
| We Sell | We Buy | |
| 37.5g ABC Luong Bar | ||
| 5,243.00 | 4,848.00 | |
| 1oz ABC Bullion Cast Bar | ||
| 4,351.70 | 3,961.70 | |
| 100g ABC Bullion Bar | ||
| 13,944.10 | 12,850.10 | |
| 1kg ABC Bullion Silver | ||
| 1,737.30 | 1,387.30 | |
Powered by: Ngoc Thanh NTGold
- Online: 213
- Today: 389
- Total: 4704795