វ៉ាស៊ីនតោនៈ យោងតាមទីភ្នាក់ងារព័ត៌មាន ចិនស៊ិនហួ ចុះផ្សាយនៅរាត្រីថ្ងៃទី១៨ ខែមករា ឆ្នាំ២០១២ ថា មូលនិធិរូបិយវត្ថុអន្ដរជាតិ (IMF) ទទួលបានប្រភពចំណូលកើនឡើង ៥០០ពាន់លានដុល្លារសហរដ្ឋអាមេរិក ។

មូលនិធិរូបិយវត្ថុអន្ដរជាតិជាស្ថាប័នផ្ដល់ប្រាក់កម្ចីដ៏ធំនៅសហរដ្ឋអាមេរិក និងមានមូលដ្ឋាន នៅរដ្ឋធានីវ៉ាស៊ីនតោន បានឱ្យដឹងកាលពីថ្ងៃពុធ ទី១៨ ថា ស្ថាប័ននឹងទទួលបានទឹកប្រាក់បន្ថែមចំនួន ៥០០ពាន់លានដុល្លារ ដែលថវិកានេះ នឹងជួយបង្កើនទុនរបស់មូលនិធិ។ ទឹកប្រាក់នេះនឹងត្រូវយកប្រើប្រាស់ក្នុងការជួយស្ដារវិបត្ដិ បំណុលនៅក្នុងតំបន់ សហភាពអឺរ៉ុប ។ 

អ្នកនាំពាក្យមួយរូបបម្រើការនៅមូលនិធិខាងលើបានលើកឡើងនៅក្នុងសេចក្ដី ប្រកាសព័ត៌មានមួយថា “ផ្អែកទៅ លើការប៉ាន់ប្រមាណ អំពីសក្ដានុពលហិរញ្ញវត្ថុសកល គឺយើងត្រូវការប្រភពចំណូលប្រមាណ ១រយពាន់លានដុល្លារ ឯណោះនៅក្នុងអំឡុងពេលខាងមុខទៀត ហើយមូលនិធិមានបំណងបង្កើនប្រភព ចំណូលបន្ថែមទៀតតាមរយៈការ ផ្ដល់ប្រាក់កម្ចីទាំងនេះ” ។ 

អ្នកនាំពាក្យរូបនេះបានបញ្ជាក់ថា “ប្រភពចំណូលសរុបទាំងនេះ ជាការសន្យា កាលពីពេលថ្មីៗនេះពីបណ្ដាប្រទេស នៅក្នុងប្លុកសហភាពអឺរ៉ុប ដើម្បីជួយបង្កើនប្រភពចំណូលដល់មូលនិធិប្រមាណ ២០០ពាន់លានដុល្លារផងដែរ ។ នេះ ជាជំហានដំបូងហើយដែលយើងទទួលបាន ហើយយើងនឹងបន្ដស្វះស្វែងរកប្រភពចំណូល ផ្សេងៗទៀតពីសហដៃគូរបស់យើង ដើម្បីបង្កើនប្រភពចំណូលឱ្យគ្រប់ចំនួននាពេលអនាគត” ។ 

លោកស្រី គ្រីស្ទីន ឡាហ្គាដ “Christine Lagarde” ប្រធានមូលនិធិ អាយ អឹម អេហ្វ បានលើកឡើងនៅក្នុង សេចក្ដីថ្លែងការណ៍របស់លោកស្រីកាលពីថ្ងៃអង្គារ កន្លងមកនេះថា “ការគ្រប់គ្រងសមាជិក និងមូលនិធិ នឹងបន្ដ ស្វែងរកប្រភពចំណូល ឱ្យកើនឡើង នេះជាគោលដៅមួយដែលយើងចង់បាន ។ ខ្ញុំសូមស្វាគមន៍ចំពោះអស់លោក លោកស្រីជានាយកប្រតិបត្ដិទាំងឡាយ ដែលបានប្រមូលទុន និងជួយគ្នាដោះស្រាយ ទៅលើវិបត្ដិផ្សេងៗដែលកើត មានឡើង និងការជួយស្ដារឡើងវិញ ស្ថិរភាពសេដ្ឋកិច្ចសកល” ។ 

លោកស្រីបានក់តសម្គាល់ថា នេះជាការប្រកួតប្រជែងមួយដ៏អស្ចារ្យ ដែលត្រូវទទួលខុសត្រូវទៅលើបញ្ហាទាំងឡាយ ពោលគឺវិបត្ដិកើតឡើង ហើយក្រុមនាយកប្រតិបត្ដិទាំងឡាយ ក៏បានសង្កត់ធ្ងន់ទៅលើអ្វីដែលចាំបាច់ និងជំរុញឱ្យមានការ ប្រមូលប្រភពចំណូល ដើម្បីទប់ស្កាត់វិបត្ដិបំណុល នៅក្នុងប្លុកសហភាពអឺរ៉ុប និងជួយទប់ស្កាត់ផង ដែរទៅលើស្ថានភាពសេដ្ឋកិច្ចពិភពលោក៕

• Gold Sees Decent Short-Covering Bounce, Some Technical Buying   (2015-12-22 04:49:24)
• Gold Set for Longest Weekly Rally Since 2011 on Ukraine Tension   (2014-03-14 11:30:57)
• ការបញ្ជាទិញគ្រឿង ម៉ាស៊ីនពីជប៉ុន បានកើន ឡើងជិត៥ភាគរយ    (2012-04-12 09:17:13)
• កំណើនសេដ្ឋកិច្ច ចិន នឹងកើនឡើង ៨,៥ភាគរយ ក្នុងឆ្នាំនេះ    (2012-04-12 09:16:25)
• ផលិតកម្មប្រេង របស់អ៊‌ីរ៉ង់ ថយចុះ ក្នុង១ថ្ងៃចំនួន ៥០០ពាន់បារ៉ែល    (2012-04-12 09:13:40)
• ធនាគារ កណ្ដាលអឺរ៉ុបៈ សេដ្ឋកិច្ចរបស់ក្រិច នឹងកើនឡើងវិញ នៅក្នុងឆ្នាំ២០១៤   (2012-04-11 09:12:14)
• ធនាគារពិភពលោក អនុម័តផ្ដល់ប្រាក់ កម្ចី៥២២ពាន់លាន ដុល្លារដល់វៀតណាម   (2012-04-11 09:11:34)
• វិស័យពាណិជ្ជកម្ម របស់ចិន នៅក្នុង ខែមីនា កើនឡើង   (2012-04-11 09:10:17)
• វៀតណាម-ឡាវ បង្កើនវិស័យ ពាណិជ្ចកម្មគិតជា ទឹកប្រាក់ប្រមាណ ១ពាន់លានដុល្លារ   (2012-04-11 09:09:14)
• ការនាំចេញរបស់ ប្រទេសកូរ៉េខាងត្បូង ក្នុងត្រីមាសទី២ នឹងកើនឡើង ៣ភាគរយ   (2012-04-11 09:08:23)