ទីឡុងដ៏ៈ យោងតាមគេហ ទំព័រសិង្ហបុរី “Channel News Asia” ចុះផ្សាយនៅថ្ងៃទី០៥ ខែមីនា ឆ្នាំ២០១២ថា ក្រុមដ៏ធំមួយនៅ អង់គ្លេសឈ្មោះថា “Tesco” បានប្រកាសឱ្យដឹង នៅថ្ងៃចន្ទនេះថា ក្រុមហ៊ុននឹងបង្កើតការងារធ្វើ ដល់ពលរដ្ឋអង់គ្លេស ប្រមាណ២០ពាន់នាក់ ក្នុងអំឡុងពេល២ឆ្នាំ បើទោះបីជាលទ្ធផលនៃការរៀបចំឡើង នៅមាន ការយឺតយ៉ាវក្ដី ។

គួរបញ្ចាក់ថា តេស្កូ “Tesco ” ជាផ្សារទំនើបដ៏ធំមួយនៅក្នុងប្រទេសអង់គ្លេស ដោយផ្ដល់ការវិនិយោគទុនតាម រយៈការផ្ដល់សេវាកម្មជាច្រើន ក្នុងនោះមានហាងលក់ទំនិញជាច្រើនសម្បូរបែប និងមានបើកថ្មីមួយកន្លែងទៀត កាលពីពេលថ្មីៗនេះ ។

គេបានដឹងថា ការលក់ផលិតផលនៅផ្សារទំនើបមួយនេះកាលពីអំឡុងពេលបុណ្យ “Christmas” ប៉ុន្ដែប្រាក់ ចំណូលដែលក្រុមហ៊ុននេះចំណេញមានសន្ទុះកើនឡើង ថ្វីត្បិតតែ “មានការប្រកួតប្រជែងគ្នាលើទីផ្សារក៏ ដោយ”។

នាពេលថ្មីៗនេះ តេស្កូ បានធ្វើការយ៉ាងជិតស្និទ្ធជាមួយរដ្ឋាភិបាលអង់គ្លេស ដោយមានបំណងបង្កើន បុគ្គលិក បម្រើការងារ ក្នុងនោះជ្រើសរើសយុវជនអង់គ្លេសដែលគ្មានការងារធ្វើឱ្យចូលរួម ក្នុងកិច្ចការរបស់ក្រុមហ៊ុន ហើយក្រុម ហ៊ុននឹងប្រកាសដើមី្បស្វែងរកអ្នកមកធ្វើការជាមួយ ។

លោក ដេវីដ កាម៉ារ៉ូន “David Cameron”នាយករដ្ឋមន្ដ្រីអង់គ្លេស ក៏បានអំពាវនាវ និងប្រកាសជាឱឡារឹកថា “យើងមានទំនុកចិត្ដខ្ពស់លើកំណើនសេដ្ឋកិច្ចរបស់អង់គ្លេស” ។

លោក នាយករដ្ឋមន្ដ្រីបានគូសបញ្ជាក់ថា “នឹងបង្កើតការងារធ្វើដល់ពលរដ្ឋអង់គ្លេស ពិសេសក្រុមយុវជន និងពលរដ្ឋ ជាច្រើនទៀតដែលទន្ទឹងរង់ចាំការងារ” ។

ដោយឡែក លោក រីឆាដ ប្រាសឺ “Richard Brasher”អ្នកចាត់ការទូទៅរបស់ក្រុមហ៊ុន តេស្កូ ប្រចាំនៅអង់គ្លេស បានលើកឡើងថា ពាណិជ្ជកម្មចំបងរបស់យើងគឺ “ការទទួលខុសត្រូវខ្ពស់ ដោយធ្វើឡើងជាជំហានៗ” ហើយកិច្ចការ ដែលត្រូវធ្វើទៀតនោះ គឺការបង្កើតឱកាសការងារធ្វើដល់ពលរដ្ឋអង់គ្លេស ។

តាមរបាយការណ៍មួយបញ្ជាក់ថា ក្រុមហ៊ុនដ៏ធំនេះមានបុគ្គលិកបម្រើការនាពេល បច្ចុប្បន្នមានរហូត ដល់ទៅ ជាង២៩០ពាន់នាក់ហើយ នៅក្នុង ប្រទេសអង់គ្លេស ។

• Gold Sees Decent Short-Covering Bounce, Some Technical Buying   (2015-12-22 04:49:24)
• Gold Set for Longest Weekly Rally Since 2011 on Ukraine Tension   (2014-03-14 11:30:57)
• ការបញ្ជាទិញគ្រឿង ម៉ាស៊ីនពីជប៉ុន បានកើន ឡើងជិត៥ភាគរយ    (2012-04-12 09:17:13)
• កំណើនសេដ្ឋកិច្ច ចិន នឹងកើនឡើង ៨,៥ភាគរយ ក្នុងឆ្នាំនេះ    (2012-04-12 09:16:25)
• ផលិតកម្មប្រេង របស់អ៊‌ីរ៉ង់ ថយចុះ ក្នុង១ថ្ងៃចំនួន ៥០០ពាន់បារ៉ែល    (2012-04-12 09:13:40)
• ធនាគារ កណ្ដាលអឺរ៉ុបៈ សេដ្ឋកិច្ចរបស់ក្រិច នឹងកើនឡើងវិញ នៅក្នុងឆ្នាំ២០១៤   (2012-04-11 09:12:14)
• ធនាគារពិភពលោក អនុម័តផ្ដល់ប្រាក់ កម្ចី៥២២ពាន់លាន ដុល្លារដល់វៀតណាម   (2012-04-11 09:11:34)
• វិស័យពាណិជ្ជកម្ម របស់ចិន នៅក្នុង ខែមីនា កើនឡើង   (2012-04-11 09:10:17)
• វៀតណាម-ឡាវ បង្កើនវិស័យ ពាណិជ្ចកម្មគិតជា ទឹកប្រាក់ប្រមាណ ១ពាន់លានដុល្លារ   (2012-04-11 09:09:14)
• ការនាំចេញរបស់ ប្រទេសកូរ៉េខាងត្បូង ក្នុងត្រីមាសទី២ នឹងកើនឡើង ៣ភាគរយ   (2012-04-11 09:08:23)